Asemdu n tarrayt n uselmad ɣef ulmad n temsirin n tirawalt : aswir wis sin, aɣerbaz alemmas

Abstract

Tirawalt d armud gar yermuden iɣurbizen i yetteg uselmad i yinelmaden, tettili deg taɣult n uselmed-almad n tutlayin akk n umaḍal, tettuneḥsab d tira tunsibt i ibedden ɣef kra n yilugan. Iswi n tezrawt-a d asebyen ma dɣa tarrayt i yessemras uselmad tettɛiwin inelmaden n uswir wis sin, aɣerbaz alemmas deg usnerni n tzemmar-nsen n tirawalt neɣ ala d wasmi i d-nefka asteqsi-a : Ma tettɛawan tarrayt n uselmad inelmaden deg temsirin n tirawalt akken ad snernin tazmert-nsen tirawalant, deg uswir wis sin, aɣerbaz alemmas neɣ ala?. Akken ad nerr ɣef usteqsi-a, nseqdec tafakust n tannayt deg tneɣrit akken ad nwali tarrayt i ssemrasen yiselmaden deg temsirin n tirawalt. Syin, negmer-d ifuras n tira n yinelmaden n taggara n tegzemt, i yesseɣta ya uselmad, akken ad d-nekkes seg-sen igulen n tirawalt i gan yinelmaden.Tiririt ɣef usteqsi agejdan n umahil-a d ta : tarrayt n uselmad deg temsirt n tirawalt ur tettɛawan ara inelmaden deg usnerni n tezmert-nsen tirawalant