Igulen n tira ɣer yinelmaden n tmaziɣt n uswir amenzu n turagt deg tesdawit n Bgayet

Abstract

Deg tazwara n tezrawt-a, nefren-d asntel i wumi nsemma‘’Igulen n tira ɣer inelmaden n tmaziɣt n uswir amenzu n turagt deg tsdawit n Bgayet’’. Syin ɣur-s, neffeɣ ɣer unnar anda i nessuter deg yinelmaden ad d-arun kra n yifuras n tira iwakken ad d-nekkes akk igulen n tira id-yettuɣalen s waṭas, syin akin nga adiwenni d yinelmaden iwakken ad nẓar timental i tenyettaǧǧan ad xedmen igulen-a. Amahil-a icudd ɣer taɣult n tesnalmudt n tutlayt n tmaziɣt. Iswi-nneɣ deg-s ad dnesken igulen umrisen ixeddmen yinelmaden d tmental i ten-yettaǧǧan ad ten-xedmen iwakken ɣer sdat ad tili tifrat. Akken ad naweḍ ɣer yiswi-ya ad d-nawi tiririt ɣef turda d ugnu id-nessebded, nga tasastant deg unnar, deg tesmilin n yinelmaden n tmaziɣt n uswir amezwaru deg tesdawit n Bgayet, neḍfer i ugmar n yinefkan tafakust n udiwenni d yinelmaden yerna negmer-d ifuras-nsen n tira i tesleḍt. Tazrawt-a tebḍa ɣef sin n yixfawen, ixef amezwaru n teẓri yebḍa ɣef kraḍ n yiḥricen : tasnalmudt n yigulen,adeg n wagul deg uselmed akked uḥric n tesnarray. Aneggaru-ya deg-s ad d-nemmeslay ɣef ufran n usentel, afran n unnar, assisen n yimsulɣa, tarrat n ugmar akked tarrayt n tesleḍt n yinefkan. Ma d ixef wis sin d tasleḍt n wammud, deg-s ad neg tasleḍt i yidiwenniyen i nga d yinelmaden-a, syin akin ad tt-id-nsemmed s yifuras-nsen n tira