Tazrawt n tgreḍrisant deg wungal Iḥulfan n Kaysa Xalifi

Abstract

Tazrawt-nteɣ iwumi nsemma “tagreḍrisant deg wungal iḥulfan n Kaysa Xalifi”, amahil-a ad yekcem deg taɣult n uzɣan aseklan yuran s teqbaylit, d abeggen n tsekla timawit yemxalafen amek i d-yella usemres-nsen deg wungal iḥulfan. Ungal-a yewwi-d ɣef tulmisin n tira n Kaysa Xalifi nessken-d deg-s yiwen wudem deg tulmisin-a amek i d-yella usemres n tsekla timawit deg wungal-a. Later n tsekla timawit mazal-it ar ass-a yetteddu-d deg tsekla tamirant am: inzan, timseɛraq, tamedyezt...amyekcem-a i d-yellan gar tewsatina-a timawit d tmirant d win iwumi semman yimussnawen ass-a “amyeḍres”; tamiḍrant-a d tin i d-yessebganen d akken ayen akk ara yaru yiwen yezga yedda-d deg-s wayen i yuran neɣ i d-nnan wiyaḍ i d-yettaǧǧan later deg tira tamaynut. Leqdic-nteɣ d win i nebḍa ɣef kraḍ n yeḥricen igejdanen; deg uḥric amezwaru newwi-d awal ɣef yiferdisen n tesnarrayt, aḥric wis sin yebḍa ɣef sin yixfawen; ixef amezwaru nessegza-d ṣṣenf amaynut n uzɣan aseklan tamiḍrant n umyeḍres, nefka-d tabadut-is akked wanawen i yesɛa, ixef wis sin; nemmeslay-d ɣef tsekla timawit d tewsatin tiqburin akked tsekla yuran,nerna nefka-d tabadut i wungal, ma yella deg uḥric n tesleḍt d win i d aneggaru nga tasleḍt i tewsatin i tessemres Xalifi deg wungal-is, s tuget inzan akken d aɣen i d-nemlal deg wammud-nteɣ anawen n umyeḍres; assaɣ n umyekcem ṣṣenf n tebdert, akked wassaɣ n usuddem ṣṣenf n urwas uqlib. Di tesledṭ, nekkes-d ayen i yellan d tasekla tamensayt deg wungal akken i d-nenna yakan s tuget inzan, akken d aɣen i tessemres kra n temɛayin d temseɛraq ula d tamedyazt yettwasnen am tin L.Matoub akked Ḥnifa...aya yettili-d deffir-s unamek neɣ izen tebɣa ad tessiweḍ i yimeɣri