Anagraw n tira n yimasuren n FDB (1946-1976) : asissen d tesledt

Abstract

Tazrawt-nnegh terza anagraw n tira n yimasuren n FDB (1946,1976): asissen d tesledt. Deg-s ad nesled agemmay d ilugan n tira i yetwasmersen. Deg ugemmay ad nessisen isekkilen d yizmulen inuskilsen yellan fell-asen. ad d-nesken bettu n wawalen deg tefyar akked temsertit. Amezwaru d amur n tezri d tesnarayt. Deg tezri ad d-nemmeslay ghef tisekkiwin n tira : tira timsislit, tira tasnemslit, d tira tasnalghant. Syin akkin ad d-nessisen tisekkiwin n yigemmayen : agemmay imsisli, agemmay argalan, d ugemmay amuntiq. Tesnarayt deg-s ad d-nessisen ammud d yedrisen id d-nekkes deg wayen uran deg tesghunt n FDB. Gher taggara ad yili wawal ghef tarrayt n tesledt. Syin akin amezruy d umhaz n tira n teqbaylit s ugemmay alatini (tira n imsamaren,iserdasen,at tesredt, d tira n isdawanen )ar taggara n ummur -a ad d-nmeslay ghef tuddsa d yimahilen n yimasuren imellalen. Amur wis sin d win n tesledt, deg-s ad nesled agemmay d yilugan n tira deg tesghunt n FDB.