Tazrawt tasrewsant n tmacahut n Zelgum gar snat n temna.in

Abstract

Leqdic n tezrawt-a d win yebnan ɣef tmacahut , neɛreḍ ad nawi s umata awal ɣef tmacahut taqbaylit d wayen akk iccuden ɣur-s ( tabadut , tulmisin , tiwuriwin ...) Nemmeslay-d ɣef tarrayt n Greimas imi nesseqdec-it deg tesleḍt n tulmisin n daxel ( taɣessa , iwudam ) . Nexdem aserwes gar tsenfel n yal temnaḍt ; Amizur d Leqser ama ayen yerzan tulmisin n berra ( azwel , inan n tazwara d taggara ) akk tulmisin n daxel ( akud , adeg , aglam ........ ar taggara ) . Syin nessaweḍ d akken d amacabi i yellan ugar amgired , imi deg temnaḍt n Leqser iferdisen i d-yettban umcabi ( inan n tazwara d taggara , akud , adeg , amawal , aglam , iwudam , ineḍruyen , asentel ) . ma yella temnaḍt n Amizur ( azwel , inan n tazwara d taggara , akud , amawal , aglam , asentel , iwudam ) . Syin nexdem aserwes n tmacahut n Zelgum gar snat n temnaḍin tigejdanin ; Amizur , Leqser , ama ayen yerzan tulmisin n berra d daxel . Nessaweḍ d akken amcabi yettbin-d ugar deg yiferdisen-a : asentel ( tugi ad tt-aɣ gma-s ) , inan n tazwara d taggara , iwudam ( tawacult n wasaḍ ) , akud , adeg , aglam ( aglam n wasaḍ ) , amawal ( d ushil ) , ma d amgired deg yiferdisen-a : tinfaliyin , ineḍruyen , azwel ( deg temnaḍt n Leqser sawwalen-as : Zelgum , Ẓunga , Mmu mzur awraɣ , ma deg temnaḍt n Amizur sawwalen-as : Zelgum ) . Ihi deg snat-a n temnaḍin d amcabi i yellan ugar n umgired , deg wayen yerzan tasiwelt n tmacahut n Zelgum .