Amawal n kra n yemghan ilmend n kra tezrawin yemmugen seg 2012 armi d 2021

Abstract

Tazrawt-a, teqqen ɣer taɣult n tesnilest n tmaziɣt, tewwi-d ɣef usentel n umawal n yemɣan s umata ilmend n tezrawin yemmugen yakan (seg 2012 armi d 2021), ideg wacu i d-nefren kraḍ deg-sent i yqedcen ɣef temnaḍin-a (Sidi Ɛic, Xerraṭa, Ayt Mellul, At Mlikec). Leqdic-a nefreq-it ɣef kraḍ n yeḥricen: Aḥric amezwaru: d win n tesnarrayt, nemmeslay-d ɣef usissen n usentel n tezrawt-a, d usissen n wammud,d tarrayt s wacu i-t-id-negmer, nebder-d daɣen imsulɣa, nessisen-d s umata timnaḍin iɣef neqdec akked tmental i aɣ-yeǧǧan ad tent-nefren, nessisen daɣen iɣbula n wammud d tezrawin akk n umawal n yemɣan yemmugen yakan (seg 2012 armi d 2021). Aḥric wis sin: d win n teẓri, newwi-d deg-s ɣef sin n yexfawen igejdanen, amezwaru d iḥricen n tutlayt (Tasnawalt d tesnamka), ixef wis sin d asmeskel d usmagnu. Aḥric wis kraḍ: d aḥric n tesleḍṭ: ideg nga tasleḍṭ i yirman n yemɣan akk illan deg wammud i d-negmer seg temnaḍin n tezrawin i d-nefren, d tsemlilt i wumuɣ n wid id-nessumer akken ad d-ddun deg usmagnu amutlay n tutlayt n tmaziɣt