Azal n tamawin n yiselmaden i tira tis snat n yifuras, aswir amezwaru d wis sin, agherbaz alemmas

Abstract

Leqdic-a yerza tamawin n yiselmaden ɣef yifuras s tira n yinelmaden n uɣerbaz alemmas, iswi-ines, d asnekwu n tmental i yettaǧǧan tuccḍiwin tuɣalent-d yal tikelt deg yifuras s tira wis sin n yinelmaden n uɣerbaz alemmas, rrnu ɣer waya leqdic-a d win iɛarḍen ad d- yesken azal i sɛant tamawin deg usnerni n uswir n yinelmaden deg tira. Igmaḍ i ɣer nessaweḍ seld tasleḍt i nga i yifuras n yinelmaden nufa-d iselmaden xedmen tamawin s yizarigen, d yizamulen, d (/),d (×). Ma nuɣal ɣer userwes i nga i yifuras s tira tamezwarut d tira tis snat, nufa-d inelmaden ur sseɣtayen ara tuccḍiwin-nsen deg tira tis snat, annect-a yebɣa ad d-yini inelmaden ur ttaken ara azal i tamawin, tuget deg-sen ttuɣalen ɣer tuccḍiwin-nsen deg tira tis snat.