Tasmidegt n taddart tasga taghiwant n tifra asun n Sidi Aich aghir n Bgayet : Tasleḍt tasnalɣamkant

Abstract

Tazrawt-nneɣ terza tasmidegt n taddart Tasga taɣiwant n Tifra, asun n Sidi Ɛic, aɣir n bgayet tazrawt tasnalɣamkant, taɣult yerzan asentel-a d tasnisemt, leqdic-a yebḍa ɣef kraḍ n yiḥricen (tiẓri-tasnarrayt-tasleḍt), deg uḥric amezwaru nefka-d tibadutin n tussniwin i icudden ɣer umahil-a d taggayin-is, aḥric wis sin, nessasn-d tarrayin i neḍfer deg unadi ɣef leqdic-a, d wamek i nefren asentel-a aneggaru d tasleḍt n wammud i d-negmer, azal n 132 n yismidgen anda i neɛreḍ ad d-nefk asegzi i yal ismideg, ama deg isegzawalen (wid n teqbaylit, d tefransist) ama ɣer imsulɣa, anda i d-nefka amezruy neɣ tarkisant ma sɛan-ten yismidgen-nni, ɣer taggara n leqdic nexdem asiḍnawal deg-s nessasmel ismidgen ilmend n taggayin-nsen (iḥerfiyen-uddisen-isuddimen)