Timental n tsarit n tantaliwin dakhel n udlisfus n tmazighth

Abstract

Tazrawt-nneɣ tella-d ɣef tsarit n tantaliwin daxel n udlisfus atrar n tmaziɣt, tazrawt-a tebḍa ɣef sin n yixfawen. Ixef amezwaru icud ɣer tiẓri d tesnarayt, deg uḥric n teẓri newwi-d awal ɣef timussniwin d tmiḍranin yemxalafen i ɣef yebded umahil. Skud asntel-a yeqnen s udem usrid ɣer leqdic n uslugen, newwi-d ameslay ɣef kra n tmiḍranin yerzan aslugen n tutlayt tamaziɣt akken daɣen i d-yella wawal ɣef tarrayin i d-sebden yimazzagen i uslugen n tutlayt-a Ma deg uḥric n tesnarayt neεreḍ ad nesgzi imenzayen d wallalen isnarayen ad dneḍfer deg teɣzi n umahil, ama d assisen n tarrrayt n ugmer akked tesleḍt, ama d assisen n wadeg akked d yimsulɣa. Ixef wis sin yerẓa tasleḍt deg-s nerra ad nesgzi tririyin n yimaswaḍen n tutlayt tamaziɣt nef wadiwenni akken ad nẓer ladɣa tiɣbula (timenṭal) n tsarit n tantaliwin daxel n udlisfus n tmaziɣt. Γer taggara, nefka-d igemmaḍ i yellan d tiririt ɣef useteqsi agejdan akked turda i dnesbedd