Allalen atraren deg uselmed (TICE)

Abstract

Leqdic-a yewwi-d ghef wallalen atraren deg uselmed, aswir wis sin, agherbaz alemmas. Agnu n tezrawt d wa: "Dacu s s-igellu usemres n wallalen-a deg uselmed n tzemmar n tegzi s timawit gher yinelmaden n uswir wis sin agherbaz alemmas? " Iwakken ad d-nerr ghef turda-nnegh, nefka-d yiwet n turda: - Allalen atraren snernayen tizemmar n tegzi s timawit gher yinelmaden, acku llan atas n ttawilat akka am tugniwin, izenzighen, taghect, timenna, i d-irennun negh i d-ikeccmen deg usegi, aya yettaja inelmaden ad d-lemden timussniwin timaynutin yerna ad snernin amawal-nsen ugar. I usidet n turda-ya, nga sin n yirimen deg snat n tneghriyin, amezwaru yella s tmacahut n "Agellid d yidulan-is" i yellan s timawit, aya iwakken ad nzer inelmaden ma ssawden ad drren ghef yisteqsiyen. Wis sin yella-d s tmacahut-nni yakan maca tikkelt-a s tbidyut s useqdec n wallalen atraren (aselkim d datashow), aya iwakken ad nzer inelmaden ma ssawden ad d-rren ghef yisteqsiyen. Mi nga tasledt i yinefkan, nessawed gher yigemmad i yellan deg yirim amezwaru lhan, ma deg wis sin xussen. Ihi gher taggara n leqdic-a, nufa-d d akken turda-nnegh ur tsehha ara, aya yughal gher yigemmad igher nessawed deg yal irim.