Taseddast n ufyir deg teqbaylit deg udlis Seg yighil gher usammer n RABEHI Allaoua

Abstract

Asentel n tezrawt-a, yerza taɣult n tesnilest, d tin i nga ɣef tseddast n ufyir, deg udlis n RABEHI, (A). Tazrawt-a d tin nebḍa ɣef sin n yiḥricen: Aḥric n teẓri: newwi-d deg-s awal ɣef tseddast sumata, anida i d-nmeslay ɣef tefyirt d yiferdisen-is anda i d-nesbadu kra icudden ɣur-s ama deg talɣa neɣ deg twuri, akked tsekkiwin-is, imi tafyirt di teqbaylit tebḍa ɣef kraḍ n tsekkiwin: tafyirt taddayt (tanemyagt/taremyagt), tafyirt taḥerfit( tanemyagt/taremyagt) d tefyirt tuddist (tuggilt, tuqqint, tamassaɣt), syin akkin nmeslay-d ɣef usezwer d snat tsekkiwin-is: asezwer aḥerfi d usezwer uzmir anda i d-nsegza isemmaden iyettḥaz yal yiwen. Aḥric n tesleḍt: nga deg-s tasleḍt taseddasant i yifyar i d-nefren seg wammud i d-nekkes deg udlis n RABEHI, (A). Anida i ten-id-nessasmel ilmend n tsekkiwin n tefyirt d tsekkiwin n usezwer, syin nuɣal ɣer tesleḍt n yiferdisen-is seg tama n talɣa d twuri