Tasledt n tsiwelt deg wungal "Tit d yilled. Ayen i d-qqarent tewriqin" n Muhend Akli Salhi

Abstract

Deg tazwara nefka-d tazwert tamatut deg-s nemmeslay-d ɣef tsekla s umata, nerna nebder-d tawsit tamaynut deg tsekla taqbaylit i yellan d ungal. Nebder-d daɣen tarrayt i neḍfer d tin n Gérard Genette, nefka-d tasnarrayt i neḍfer deg leqdic-a. Tazrawt-a tebḍa ɣef sin n yiḥricen igejdanen yal aḥric isɛa sin n yixfawen, deg uḥric amezwaru ad naf ixef amezwaru d tasnarrayt, ixef wis sin d win n teẓri. Ma yella d aḥric wis sin d aḥric n tesleḍt, wayi daɣen nebḍa-t ɣef sin n yixfawen, ixef amezwaru d tasleḍt n tsiwelt deg wungal «Tiṭ d yilleḍ. Ayen i d-qqarent tewriqin », ma deg yixef wis sin d tasleḍt n yixfawen yellan deg wungal-a. Ungal «Tiṭ d yilleḍ. Ayen i d-qqarent tewriqin» d tasarut ɣer tira taseklant acku yeslalay-d lebɣi ɣer yimeɣri. D ungal yuklalen aṭas n tezrawin. Deg teggrayt tamatut nefka-d igemmad d tiririt ɣef usteqsi-nneɣ agejdan i yallan «Dacu-ten yiferdisen neɣ yiberdan n tsiwelt i yessemres umaru Muḥend Akli Salḥi akken ad yales taḥkayt-is? D wamek i d-tusa tsiwelt deg wungal-a? »