Awalnuten deg kra n yimawalen i d-yettwasizergen

Abstract

Tazrawt-a tcudd gher taghult n tesnilest n tmazight i d-yellan ddaw usentel n wawalnuten deg yimawalen i yettwasizergen Tazrawt-a d tin yebdan ghef sin n yihricen: Ahric amezwaru d ahric n tezri deg-s nefka-d tibadutin i kra n yiferdisen yeqqnen gher usentel n tezrawt-a, nmeslay-d ghef tesnawalt nebder-d awal, azar, amawal, asegzawal, tasniremt d yirem. Am wakken daghen nmeslay-d ghef tesnalgha d wayen icudden ghur-s (amyag d tecrad-is, isem d tecrad-is) syin akkin nesbadu-d tasnulfawalt d wayen yellan deg-s d wallalen n usilegh-is (asuddem, asuddes, arettal), daghen nefka-d anamek i tesnamka akked tegmuzart d wayen icudden ghur-sent Ahric wis sin d ahric n tesledt anda i nga tasledt i wawalen imaynuten deg yimawalen deg wayen yerzan tadra n wawalen akked uzar n yal awal