Aselmed n umezgun deg tneghrit n tmazight : aswir wis sin n tesnawit

Abstract

Tamezwarut d tannayt deg tneghrit n tmazight aswir wis sin n tesnawit, nehder i kra temsirin deg usenfar n umezgun tuget deg-sent yella-d uskan n tceqquft ghef usayes, tannayt-a tefka-yagh-d isallen ghef tikli n temsirt n umezgun, aya yewwi-yagh gher tririt ghef useqsi agejdan n tezrawt. Imi Tamsirt n umezgun tettili-d ghef usayes, anelmad ad yeddem udem seg yiwudam n uhris syin ad tid-uraren s timawit deg tneghrit negh berra n tneghrit. Tafakust tis snat d adiwenni i nexdem akked yiselmaden akken ad nzer timughliwin n yiselmaden-a ghef urmud n umezgun, isallen i d-negmer seg tarrayt-a wwin-agh ad d-nerr ghef turdiwin i d-nessemres deg tazwara. Dgha nufa-d: aselmed n umezgun yesnernay tizemmar n timawit acku tamsirt-is dima tettili s timawit. Aselmed n umezgun yesnernay tazmert n tzuri gher yinelmaden, negh tettawi anelmad ad d-yesken tizemmar i yesaa deg tzuri-a.