Seg wasmi teldi tiwwura-s deg useggas 1991/92, Tasga n Tutlayt d Yidles n Tmaziɣt ibeddel aẓayer snat n tikkal. Sebba n ubeddel-a d aseggem i d-yellan ɣef tesdawit tazzayrit sumata. Deg tezwara, deg useggas 1996/97, Tasga n Tutlayt d Yidles n Tmaziɣt tuli d agezdu, s yin akin, deg useggas 1999/2000, mi d-yibded unagraw n tmezdiyin, agezdu-ya yuɣal d tasga i yeṭṭfaren i Tmezdeyt n Tutlayin d Tussniwin Talsanin, i yuɣalen kra n yiseggasen d Tamezdeyt n Tsekliwin d Tutlayin. Deg tazwara Tasga n Tutlayt d Yidles n Tmaziɣt txuss nezzeh deg yiselmaden, d ayen i yeǧǧan imdebbren n talit-nni ad d ldin  snat n tsekkiwin n lmajistar. Deg lmajistar yettusemman Tutlayt d Yidles n Tmaziɣt (deg taɣulin: tasekla, tasnilest, taɣerma), llan-d ukuẓ n yismilen (1991/92, 1992/93, 1995/96, 1998, 99); deg lmajistar Tizrawin Timaziɣin (deg taɣulin: tasekla, tasnilest, tasnalmudt), llan-d kraḍ n yismilen (2005/2006, 2008/2009, 2011/2012). Ɣer tama n ulmud-a n nnig turagt, Tasga n Tmaziɣt tessbded-d almud n turagt n (n 4 yiseggasen) deg useggas 1997/1998. Seg wasmi i iressa unagraw n LMD, Tasga tessebded-d ayen din n yilmuden n usileɣ: turagt (n 3 n yiseggasen), ukuẓ n master (tutlayt d usmuskel, taɣerma, tasnalmudt, tasekla).

Ixf n tesga: ASSIAKH Farid: farid.assiakh@univ-bejai.dz, dept.tamazight@univ-bejaia.dz

Ixf n tesga amalal n nnig turagt: Zenad Youcef