Abstract:
Tazrawt-a d tin id yewwin ɣef usmuzeɣ n twenaḍt n snat n temnaḍin (aqbu d tezmalt), id yezgan deg waɣir n bgayet; deg-s neffeɣ ɣer unnar negmer-d tugniwin n tecbikin (tiplakin) yerzan tidbilin i yettuɣalen i dula neɣ tiḥuna n yemdannen; negmer-d anagar t id nufa sɛan-t asmuzzeɣ neɣ akken nniḍen tell-a tira n tmaziɣt deg-sent ama dayen yerzan tira tumrist ama dayen yerzan tifinaɣ. Leqdic-a d win yebḍan ɣef kraḍ n yeḥricen; amezwaru d win n yiferdisen n tesnarrayt deg-s asissen n usentel, timental n ufran n usentel, d uswi n umahil, d ufran n temnaḍin, yella daɣ wawal ɣef wuguren i d-nmugger, ma ɣer tagara n uhric amenzu yewwid ɣef tarrayt n tesleḍt i neḍfer i usismel n tugniwin i d-nejmaɛ i yal tamnaḍt; ma yella d aḥric wis sin d win n teẓri deg-s nemmeslay-d ɣef tesnisemt s umata akked tesmidegt d taggayin-is d tussniwin i d as-d-yezzin, ma dayen yerzan amur wis kraḍ d aḥric n tesleḍt, deg-s aseɣti n tira d umuqel n tuddsa n tefyar s yin neffeɣ ɣer userwes gar snat n temnaḍin i nefren aqbu d tezmalt. S yin ad tfak tezrawt s teggrayt tamatut andi id nerra ɣef tmukrist id nemmud di tazwara n tezrawt; nemmeslay-d diɣ ɣef igemmad ar wacu newweḍ
