Armud n uzeṭṭa deg temnaḍṭ n Buğlil

Abstract

Deg tezrewt-nteɣ i imugen ɣef urmud n uzeṭṭa deg temnaḍṭ n Buğlil i nebḍa ɣef kraḍ n yixfawen igejdanen : Ixef amezwaru d aḥric n tesnarrayt deg-s id newwi awal ɣef usentel-nteɣ, d wamek id nefren tamnaḍṭ i nga tazrewt-nteɣ d yiswis, syin akkin nerna nmeslay-d ɣef tarrayt n tsastant arnu ɣef waya nefka-d tiktiwin ɣef yimsulɣa-nteɣ, nerna nmeslayed ɣef uguren i d nemlal deg tsastant i nga. Ixef wis sin, deg-s id nmeslay ɣef taddert n Buğlil s telqi, acku newwid awal ɣef umezruy-is, tilisa i tettabaε, nmeslayed daɣen ɣef tdamsa d usɣurbez-ines. Ixef wis kraḍ d aḥric n tesleḍṭ deg-s nmeslayed ɣef uzeṭṭa n zik d tura d ubeddel yellan gar-asen, seld aya nerra-d ɣef useqsi-nteɣ agejdan amek i d yettili uzeṭṭa deg temnaḍṭ n Buğlil, ama deg wayen yarzan allalen-is, d wayen id sufuɣen deg-s. Azeṭṭa tura yemhaz, yenqes laεtab deg-s yerna lwaqt mačči am zik, maca ɣas yella akk umhaz-a maca azeṭṭa d armud i yebdan yettenger