Abstract:
Leqdic-a d win i cudden ɣer taɣult n tesnilest asentel-is d « Tismidegt n snat n tudrin ( Iɣil uṭwaf, Tunef ) », deg-s nexdem tasleḍt tasnalɣamkant i yismawen n yidgan n tudrin-a. Nebḍa tazrawt-a ɣef sin n yiḥricen : Aḥric n teẓri : anda ad naf yettmeslay-d ɣef tesmidegt d tussniwin i cudden akk ɣur-s. Aḥric n tesleḍt: anda ad naf deg-s nexdem tasleḍt tasnalɣamkant i wammud i d-negmer. Nebḍa-t daɣen d sin n yiḥricen : - Tasnalɣa anda ad nefk talɣa n yismidgen iḥerfiyen, uddisen akked isuddimen yal yiwen iman-is. - Tasnamka n yismidgen. Anda i nexdem i yal tamnaḍt tasleḍt i yismidgen-is ad nernu inumak-nsen. Deg wammud n leqdic-a nessaweḍ ad negmer 201 n yismidgen: 113 deg Iɣil uṭwaf, 88 deg Tunef
