Abstract:
Tazrawt-nneɣ tin yerzan annar n tesnalmudt n tmaziɣt, taneggarut-a tcudd ɣer tarrayin n uselmed/almad, asentel-is d aslemed n ufares s tira deg tugzimt n uselmed, deg uɣerbaz alemmas. Leqdic-a yebḍa ɣef sin n yixfawen, ixef amezwaru icudd ɣer teẓri d tessnarrayt, deg teẓri nemmesla-d ɣef tesnalmudt n tira akked tugzimt n uselmed, ma deg tessnarrayt yella-d wawal ɣef tarrayin n tesleḍt d ugmar..., ixef wis sin yerza tasleḍt, deg uḥric amenzu d tasleḍt n yinefkan n tannayt n tugzimt, akken i nexdem tasleḍt i yifuras n yinelmaden deg uḥric wis sin. Ɣer taggara, nefka-d igemmaḍ i yellan d tiririt ɣef usteqsi agejdan akked turda i d-nessebded
