Abstract:
Tazrawt-nneɣ terza tismidegt n kraḍ tudrin (Tawrirt Ɛelwac, Iɛeccuren, Aqabbiw) Taɣiwant n Tmeẓrit aɣir n Bgayet, tazrawt tasnalɣamkant, taɣult yerzan asentel-a d tasnissemt , leqdic-a d win yebḍan ɣef sin yiḥricen (aḥric n teẓri, aḥric n tesleḍt), deg tezwart newwi-d awal ɣef usentel n tesmidegt d leqdicat yemmugen fell-as, syin akkin ɣef yiferdisen n tesnarrayt deg-s nessasen-d tazrawt-nneɣ d wamek i d-nefren asentel-a, syin akkin nekcem ɣer uḥric n teẓri anda i d-nefka tibadutin n tussniwin i icudden ɣer umahil-a d taggayin-is, aḥric-nniḍen d tasleḍt n wammud i d-negmer, azal n 132 n yismidgen deg kraḍ n tudrin-a, anda i neɛreḍ ad d-nefk asegzi i yal ismideg, ama s yisegzawalen ( wid n teqbaylit, wid n tefransist ), syin nefka-d ama d amezruy neɣ d tarkisant ma sɛan-ten yismidgen-nni, ma deg taggara nexdem tasiḍnawalt akken ad d-neḥsb ismidgen ama d uddisen ama d iḥerfiyen neɣ ilmend n tewsit
