Abstract:
Tazrawt-nneɣ i ilan azwel “tagerdelsant deg tmezgunt am win yettraǧun Rebbi n Ɛebdellah Muḥya”, tekki deg unnar n tsekla. Iswi-ines d tasleḍt n tgerdelsant s uskan n wayen I d-yugem Muḥya seg yidles aberrani. Deg-s newwi-d awal ɣef yisekkiren n tsuqqilt d wamek iten-yesseqdec Muḥya deg tsuqqilt-is, syin newwi-d awal ɣef tgerdelsant d wamek I d-tettbin deg tsuqqilt n Muḥya. Ilmend n waya nufa-d d akken Muḥya isseqdec isekkiren n tsuqqilt akken ma llan, ladɣa amsasa. Ma deg wayen yeran tagerdelsant nufa-d ticraḍ-is deg uḍris n tmezgunt am win yettraǧun Rebbi
