Abstract:
Tazrawt-a tekcem deg taɣult n tesnilest. Leqdic-nneɣ ɣef usentel: aglam imserwes n yimqimen udmawanen gar snat n tmeslayin (tameslayt n usammar n Bgayet Ayt mbarek akked Busemɣun), ad nesken aglam yellan ɣef usentel-a. Tamukrist : Deg leqdic-a tamukrist tella-d akka : D acu-ten wudmawen n umtawa d wid n umgired n yimqimen udmawanen deg snat n tmeslayin-a : Ayt mbarek akked Busemɣun ? Amek i tga talɣa n umqim udmawan deg snat n tmeslayin-a ?. Turdiwin : akken iɣ-teǧǧa ad d-nefk turdiwin-a. Yezmer llan wudmawen n umtawa gar snat-a n tmeslayin, am wakken daɣen i yezmer ad yili umgired. Talɣa n umqim deg snat-a n tmeslayin tella talɣa tawezzlant d talɣa taɣezzfant, yezmer yiwet deg-sent ur tseɛu ara talɣa tawezzlant neɣ talɣa taɣezzfant. Tazrawt-a tebḍa ɣef sin yeḥricen, amezwaru deg-s ad nmesslay ɣef tussnantala, asmeskel amutlay, tabadut-is, tiwsatin-is, idgan n usmeskel amutlay. Aḥric wis, deg-s ad nmesslay s telqey ɣef udem aẓrayan akked kra iferdisen n tesleḍt i yimqimen udmawanen ama d ilelliyen neɣ d iwsilen. Taggrayt : deg-s ad naf tiririt ɣef yisteqsiyen id-yellan deg tmukrist, akked yigemmaḍ ineggura n tezrawt-nneɣ d usirem n usnerni n tutlayt n tmeziɣt
