Abstract:
Tazrawt-a tewwi-d ɣef tixutert tla tmacahut deg uselmed n/ almad n tutlayt n tmaziɣt. Leqdic-a d win icudden ɣer unnar n tesnalmudt, acku yerza srid tagnit n uselmed/ almad n tutlayt n tmaziɣt. Ihi leqdic-a yewwi-d ɣef yiwet n tewsit gar tewsatin n tsekla i yellan d tamacahut, imi d tamesbaɣurt deg ugbur d yisental i ɣef i d-ttawi, ihi aselmed s tewsit n tmacahut d ttawil yettusmersen deg tneɣrit anda aselmad ad isemmed timsirin-is, anelmad ad yelmed timusniwin ugar. Aselmed n tutlayt ur yerzi ara kan tajerrumt d tseftit, maca yessefk ad yissin tutlayt ama dayen yerzan tira, ama dayen yerzan timawit. Akken daɣen uɣalen skecmen iḍrisen inmettiyen ɣer uɣerbaz, uɣalen d allalen n uselmed n tutlayt, imi tawsit n tmacahut d aḍris inmetti i ikecmen ɣer taɣult n uselmed, imi isental i ɣef i d-ttawin dayen yettidir umdan deg tudert-is n yal-ass
