Asilegh iwatan i tmelmadt deg udlisfus d tasarut n tegzi-is

Abstract

Amahil-a yerza asentel n tmelmadt. Tamelmadt tla tamlilt tameqqrant deg uselmed akked ulmad Asentel-a icudd gher tesnalmudt. Deg-s ad d-nesnkwu asilegh iwatan i tmelmadt iwakken ad tifsus tigzi-s i yinelmaden. D wacu n wuguren i d-ttafen deg tegzi n tmelmadin n udlisfus. Yebda umahil-a ghef sin n yixfawen, ixef amezwaru yerza tizri d tesnarrayt yebdan ghef krad n yihricen. Deg uhric amezwaru yeddmen azwel “Azal n tmelmadt deg uselmed d ulmad”. Nessasen-d deg-s kra n tmidranin tigejdanin i tla tmelmadt. Deg uhric wis sin nbedr-d ilugan d yittewlen i ilaq ad yedfer uselmad deg usilegh n tmelmadt ilmend n yimussnawen n tesnalmudt. Ma yella d ahric aneggaru deg-s yella-d ussisen n tarrayt n ugmar d tesle.t i ne.fer deg umahil-a. Ixef wis sin deg-s nga taseldt i yinefkan i d-negmer seg yirim i nga i yinelmaden s ways nessawe. nefka-d tiririt i ugnu ighef ibedd umahil-a: Amek i yessefk ad yili usilegh n tmelmadt iwakken ad tifsus tigzi-is? Igemmad igher nessawed deg umahil-a: Aseqdec n umawal yessawnen ghef yinelmaden deg usilegh n tmelmadin. . Llan yinelmaden ur gharen ara timelmadin akken iwata. . Llan yinelmaden ur xeddmen ara assagh d temsirt akked tmelmadt. . Llan yinelmaden ur deffren ara timelmadin i asen d-yettunfkan.