Abstract:
Tamelmadt d inan i yettwellihen anelmad ad yeg kra n umahil iwakken ad yessiweḍ ɣer yiswi-s, ad yesnerni tizemmar-is deg ulmad akked useḍru n tmussniwin timaynutin. Timlmadin d tanaḍin i d-yessiliɣ uselmad iwakken inelmaden ad gen kra n umahil, sɛant aṭas n tsekkiwin gar-asent: tamelmadt yuran, timawit, s yisɣal…, yal tasekka tla tiwuriwin-is.
Deg taɣult n tesnalmudt aṭas n leqdicat i yemmugen ɣef tmelmadin, maca ur yelli ara yakan ɣef wazal i tesɛa timawit deg usegzi n tmelmadt yuran, ɣas akken nwala timawit tesɛa azal ɣur inelmaden tettɛawan-iten ad gzun akken iwata tamelmadt yuran, ɣef waya neɛreḍ ad nẓer ma d tidet timamawit tesɛa azal deg usegzi n tmelmadt yuran.
Deg leqdic-a dag tazwara nesbadud tamelmadt nefka-d tiwuriwin-is d wamek i d yettili usileɣ-is sɣur uselmad, nemmeslay-d ɣef imyagen i ilaq ad yessemres uselmad deg tmelmadt d wamek i d-yewwi lhal ad tt-iɣer unelmad, nefka-d kra wuguren i d-yettmagar unelmad deg tegzi n tmelmadt , nemmeslay-d daɣen ɣef usegzi s timawit n tmelmadt yuran. Nessemres irim deg uɣerbaz alemmas i uswir amezwaru akken ad negmer inefkan i nuḥwaǧ deg tezrawt-a . Ɣer taggara nga tasleḍt i yinefkan i d-negmer.
S leqdic-a nessaweḍ nessukkes-d azal i tesɛa timawit deg usegzi n tmelmadt yuran ɣur unelmad, acku s usegzi-nni imawi yettishil ɣef unelmad ad yefhem ugar tamelmadt i as-yettunefken
