Tasledt n yizuran ideg tella tergalt tafeggagant "H" deg temnadin n leqbayel

Abstract

Asentel n tezrawt tasleḍt n yiẓuran i deg tella tergalt tafeggagant « Ḥ » deg temnaḍin n leqbayel i yerzan taɣult n tesnilest, tamezwarut d tameslayt n at menguellat anda i nessemres asegzawal J M DALLET, akked d temnaḍt n Ticci d Ukefadu, yebḍa ɣef kraḍ n yiḥricen : aḥric n tesnarrayt deg-s asissen d yiswi n usentel, asissen n usegzawal n J M DALLET afran n temnaḍin : tamnaḍt n Ukeffadu d Ticci, asissen n yimsulɣa, tarrayt n tegmart n wammud, asissen d tarrayt n tesleḍt, isegzawalen i nesseqdec deg uḥric n tesleḍt, akked d tarrayt n tesleḍt, syin akkin ixef n teẓri nemmeslay-d ɣef tasnamkawalt, tasnawalt, tasnamka n wawal, tasnamka, aẓar, asuffeɣ n uẓar amawal deg-s amawal uzzig akked d umatu deg tesnalɣa isem, ticraḍ tissudimin (asuddem ajurruman, asuddem n yisem seg umyag, isem n tigawt, isem n umeskar, isem n wallal, arbib, amyag, taggayin n umyag (amyag n tigawt, amyag n tɣara asuddem n umyag seg umyag, aswaɣ attwaɣ, amyaɣ)syin akkin tɣawsa, anamek n temgirda, anamek n ucemmet d ucebbeḥ akked areṭṭal syin akkin aḥric aneggaru d win n tesleḍt (aẓar, aswir n unamek, aswir n talɣa, awennet ) taggrayt