Abstract:
Leqdic-a d win id-yewwin ɣef tezrawt n talɣiwin d yinumak n yismidgen deg temnaḍt n Ferɛun. Nessaweḍ negmer-d 92 n yismidgen. Deg-s nessasmel-iten ilmend n talɣiwin-nsen : iḥerfiyen, uddisen d yisuddimen. Akken daɣen i ten-nessasmel ilmend n yimukan-nsen : wid yerzan ismawen yidgan ideg llan waman, idgan ɛlayen, wid yesɛan assaɣ d tfellaḥt,…
Leqdic-a yebḍa ɣef kraḍ n yixfawen. Ixef amezwaru yessassen-d iferdisen iẓrayanen, ixef wis sin d iferdisen tesnarayt, ma d wis kraḍ deg-s i nga tasleḍt i wammud n yismidgen i d-negmer.
Deffir tesleḍt, nufa-d dakken, deg wayen yerzan talɣa llan yismidgen iḥerfiyen, llan wuddisen, llan yisuddimen ; maca d iḥerfiyen d wuddisen i yugten. Ma deg wayen yerzan inumak, llan yismidgen yesɛan assaɣ d tudrin, d yigran akked yiḥerqan. Llan daɣen wid yesɛan assaɣ d waman, d yidurar akkked yismawen n yimdanen
