Abstract:
Leqdic-a d win id yewwin ghef tezrawt n talghiwin d yinumak n yismidgen deg temnadt n At jelil ; anda nessawed negmer-d (92) n yismidgen. Deg-s nessasmel-iten ilmend n talghiwin-a : (Iherfiyen, uddisen d yisuddimen) ama d ismidgen imazighen ama d irettalen. Akken daghen nessasmel-iten ilmend n yimukan-nsen : wid yerzan ismawen yidgan ideg llan waman, idgan aalayen, wid yesaan assagh d tfellaht,… Leqdic-a yebda ghef krad n yixfawen : 1. Ixef n tezri 2. Ixef n tesnarayt 3. Tasledt n wammud Deg ixef n tezri : deg tazwara nemmeslay-d ghef tesnisemt, azal-is d" yifurkan-is, syin akkin newwi-d awal ghef tesmidegt s telqayt d wamek teyya deg tmazgha d Lezzayer ; nemmeslay-d daghen ghef tsekkiwin n yismidgen, nefka-d kra seg tussniwin i tseqdec ; gher taggara nmeslay-d ghef tesnalgha akked tesnamka. Ixef n tesnarrayt : deg-s yella-d wawal ghef usissen d ufran n usentel d" yiswi-ines d tmental n ufran-is, syin akkin nefka-d asissen d tmental n ufran n temnadt d yimsulgha ; gher taggara nsegza-d tarrayt n tegmert n wammud d wamek ara ten-ssemres deg tesledt. Ixef wis krad d tazrawt n talgha d unamek n yal ismideg i d-negmer, syin" akkin nessasmel-iten ilmend n taggayin-a (iherfiyen, uddisen d yisuddimen).Ar taggara nefka-d timawin i kra n yismidgen
