Tamawin n yiselmaden ghef yifuras s tira n yinelmaden n tesnawit

Abstract

Tazrawt-a terza tamawin n yiselmaden ghef yifuras s tira n yinelmaden n tesnawit, iswi-ines d asnekwu n tarrayin ittafaren yiselmaden deg tira n tamawin ghef ufares s tira akked temlilt-nsent deg usnerni n tzemmar n yinelmaden. Amahil-a d win i d-yellan ghef 5 n yiselmaden deg snat n tesnawiyin Mesbah Hamid (Lesqser) akked tesnawit tamaynut n weqbu, imsulgha-agi fkan-agh-d 20 n yifuras s tira tamezwarut d tira tis snat n yinelmaden, rnu rran-d ghef 4 yiseqsiyen n udiwenni i dasen-nefka. Nesseqdec inefkan-a akken ad nawed gher yiswi i d-nefka deg tazwara, igmad i wumi nessawed seld tasledt i nga i yifuras d tririyin n yiselmaden ghef yiseqsiyen n udiwenni nufa-d iselmaden ttaken azal i tira n tamawin ghef yifuras s tira dacu kan yal aselmad dacu i d tasekka n tamawt i yessemras deg useghti-ines, ma nughal gher userwes i nga i yifuras s tira tamezwaryt d tira tis snat nufa inelmaden sseghtayen tuccdiwin-nsen, anecta yebgha ad d-yini ttaken azal i tamawin ttaran lbal-nsen imi tuget deg-sen ur d-ughalent ara tuccdiwin-nsen deg tira tis snat. Ma nughal gher udiwenni usrid nufa-d yal aselmad dacu i d tarrayt i yesseqdac deg usnekwu tuccdiwin n tutlayt am wakken ttwalin tamawin saant azal deg usnerni n tzemmar n yinelmaden