Abstract:
Leqdic-nteɣ d win yellan ɣef tmegdawalt deg usegzawal issin wis sin (2017), tamegdawalt d snat n tayunin timawalanin sɛant yiwen n unamek akk d yiwen n umsisɣel dacu kan mgaraden deg talɣa. tamegdawalt tebḍa ɣef kraḍ n lesnaf, tamegdawalt tumidt, tamegdawalt tarumidt, tarafukt.
Tamegdawalt tumidt teskanay-d awalen yesɛan yiwen n unamek d yiwen n uyḍamek, ma yella d tamegdawalt tarumidt teskanayed awalen yellan d imegdawalen dacu kan tella gar-asen lemgirda tamecṭuḥt, ma yella d tarafukt d tanakti ibanen ugar mi ara yilin yirman yettemcabin, dacu kan sɛan lemgirda tamecṭuḥut deg unamek akk d teyḍamekt.
Iwakken ad nessemgired gar lesnaf-agi nessexdam sin n yisebdaden n tmegdawalt, amezwaru d asemmi, nettadam tikwal asemmi am usebdad n usbadu n wawalen. tilin neɣ aɣabi n tulmist n usemmi ar ittezriri ɣef usentel, nekni nessemgirid gar wawalen yettusemman, d wawalen ur nettusemma ara, anegzum-agi yekka-d seg lxilaf gar tayunin timawalanin d tayunin tijerrumanin.
Ma yella d asebdad wis sin d amenzamek, tamegdawalt tesɛa yiwen n unamek neɣ tesɛa anamek yettemcabi kan akk d uzayer n tasnalɣa yemxalafen, iwakken sin n wawalen ad ilin d imegdawalen ilaq ad sɛun agbur n tesnamka kif kif neɣ yettemcabi, ɣef waya i yettuneḥsab uynawal yesɛa anamek imenzamek kif kif
