Abstract:
Tazrawt-a d tasleḍt tasnalɣamkant ɣef tesmidegt n tuddar n tɣiwant n Genzet, iswi-s d
asekfel s talɣiwin tijerrumanin i yeggten ilmend n tewsit d umḍan deg yismidgen n temnaḍt-a
d wanti taggayin tisnamkanin i d-yufraren ɣef tayeṭ akked wassaɣ gar yinumak n tayunin
tinmawalin n yismidgen i d-fkan yimsulɣa d wamek i d-ttwasegzan deg yisegzawalen. Seg 200
n yismidgen, seg-sen nefren-d 81 i wimi nga tasleḍt : 50 d ismidgen iḥerfiyen, 20 d uddisen
akked 11 d isuddimen.
Igmaḍ-a d ayen d-tefka tesleḍt n yismidgen s timmad-nsen, ayen yelhan daɣen, d aṭas n
wawalen i d-nufa deg tesmidegt n Genzat ulac-iten deg yisegzawalen i nesseqdec ama d awal s
timmad-is ama d anamek-is. Annect-a d asefrek d usnerni n umawal n tutlayt deg waṭas n
taɣulin : imɣan, iɣersiwen, d tɣawsiwin-nniḍen.
Tazrawt-a, tefka-aɣ lewḥi ɣer waṭas n tɣawsiwin, teldi-yaɣ allen ɣef unadi ussnan deg
uḥric-a n tesmidegt, imi negza yal tardast deg wakal teffer isem yesεan azal, tuklal ad ilint
tizrawin-nniḍen fell-as.
Awalen isura :
- Tasmidegt
