Tagetnamka d teynisemt deg yisegzawalen n (J) (M) Dallet, (K) Bouamara akked temnadt n Suq letnin

Abstract

Tazrawt-a tella-d ɣef tgetnamka d teynisemt deg teqbaylit, deg-s i nga tasleḍt tasnalɣamkant i wazal n 158 n wawalen i d-negmer seg usegzawal n « (K) . BOUAMARA. » akked «(J). (M). DALLET». Di tazwara nekkes-d awalen seg yisegzawalen, sin akkin nefreq-ten ɣef kraḍ n yixfawen, ixef amezwaru d tagetnamka deg-s 75 n wawalen, ixef wis sin d taynisemt deg-s azal n 77 n wawalen, ixef wis kraḍ d tagetnamka d teynisemt ɣef tikkelt deg-s 6 n wawalen. Sin akkin nefka-d anamek-nniḍen n kra n wawalen i qqaren deg temnaḍt n ‶ Suq letnin”