Abstract:
Asentel n tezrawt-a d aserwes n unagraw n umyag gar snat n tmeslayin n tantala taqbaylit, d taynantala, d aserwes gar temnadt n Tmezrit (Leerc n At Yemmel) d Xerrata.
Deg tezrawt-a, imi d aglam akked userwes, ahric n tezri d uhric n tesledt dukklen deg yiwen n yixef iwumi ara nsemmi aglam n talgha n umyag, aneggaru-ya nebda-t ghef krad n yihricen.
Deg uhric amezwaru, ad d-nemmeslay ghef tecrad tigejdanin n umyag (Imataren udmawanen imagnuyen akked wuzzigen, askim n tmezri: win n wurmir, win n yizri, win n yizri ibaw, win n wurmir ussid, win n wanad, n wanad ussid akked d win n umaghun).
Deg uhric wis sin, awal ad-yili ghef tecrad tisuddimin n umyag (Aswagh, attwagh, amyagh, talghiwin tisuddimin tuddisin).
gher taggara n yixef-a, deg uhric wis krad ad d-nessissen ticrad timazzayin n umyag (Amqim awsil usrid, amqim awsil arusrid, tazelgha n tnila, akked tzel.iwin n wuddus anemyag). Nefka-d tabadut n yal irem akked tmughli n yimusnawen, syin nefka-d amek i ten-nufa deg tmeslayin i terza tezrawt-a, nesserwes gar-asent nefka-d udmawen n umtawa akked wid n umgired, d wanta i iqerben gher tutlayt n tmazight (Ayen yellan deg tezri).
gher taggara n yixef nessawed nesserwes tasnalgha n umyag gar tmeslayin-a ama deg tecrad tigejdanin, tisuddimin, timazzayin. Nekkes-d udmawen n umtawa d umgired i yellan gar-asent.
Nufa-d deg tecrad timazzayin i tella lemgirda s watas gar tmeslayin-a, ladgha amek mesdferent tecradt-a: Tameslayt n Tmezrit tessemras yiwet n tsenfelt deg yal udem amyag + amqim awsil arusrid + amqim awsil usrid + tazelgha n tnila. MD: (xeteb-iyi-tt-id; Timezrit) maca deg tmeslayt n Xerra.a ssemrasen-tt deg yal udem, anagar deg wudem wis krad ama d asuf ama d asget ssemrasen tisenfelt amyag + amqim awsil arusrid + tazelgha n tnila + amqim awsil usrid. MD: (xteb-ayi-d-it ; Xerrata)
