Abstract:
Leqdic-nnegh d win ittekkin deg taghult n tesnilest, yewwi-d ghef tesmidegt n taddart At Yidir deg t.iwant n Tewrirt n Yighil, tawinast n udekkar. Iswi agejdan n tezrawt-a d anadi ghef yinumek d talgha n yismawen n yidgan i d-negmer seg taddart-a.
gher taggara n leqdic-a nessawed iwakken ad d-nerr tiririt ghef isteqsiyen i d nefka deg tazwara ghef tmental i yeggan imezwura iwakken ad as-nefken ismawen-a i yidgan-nni, nufa-d d akken yettili-d usemmi ilmend n kra tedyant yedan din negh ilmend n yimawlan-is? Leqdic-a d win yebnan ghef krad n yihricen : ahric amezwaru d win tesnarrayt nuwi-d awal ghef ufran n usentel, akked d yimsulgha, d wamek i d-yella ugmar n wammud-nnegh deg unnar, d ufran temna.t d usissen-ines, syin akkin nebder-d iswan d wuguren i d-nemmuger deg tezrawt, akked tarrayt n tesledt ara nesseqdec deg tezrawt-nnegh
Ma d ahric wis sin: d win tezri nemmeslay-d ghef tesnisemt imi deg-s i d-tefruri tesmidegt, syin akkin nuwi-d awal .ef tesmidegt sumata,nefka-d tabadut-is d wazal-is, d taggayin-is, akked tussniwin icudden ghur-s.
Ma d ahric aneggaru: d win n tesledt, deg-s ad nexdem tasledt tasnalghamkant i yismidgen i d negmer seg taddart At Yidir, ad ten-bdu ghef sin yihricen (ismidgen i.erfiyen d wuddisen) yal ahric ad ten-bdu ghef krad n taggayin (igren,tamezdught, aman), ad ten-nessismel ilmend n umesdfer n yisekkilen n ugemmay, syin akkin ad d-nefk adar-is, akked yislan n tjerrumt i yal ismideg ad d-nebder daghen tabadut i agh-d-fkan imsulgha n taddart-a,ad d-nadi ghef inumek-nsen deg yisegzawalen n tutlayt, syin akkin ad d-nefk tamawt ghef wayen nezra mi nerza gher wadeg-nni.
Tasnisemt d yiwen ubrid n usnerni n umawal ghef aya ilaq ad ilint tezrawin yecban tigi iwakken ad nessekfel ismawen iqburen akken ad ten-id-afan wid id yetteddun iwakken ur .-tettar ara tmara akken ad d-nerdel seg tutlayin-ni.en.
