Asissen n Usarem/ Présentation du Laboratoire  Angal/ code : C0783900

Asarem n Tezrawin Timaziɣin (ATT)/ Etudes amazighe silul-d deg useggas 2023, yesɛa sa (07) n terbaɛin n unadi i iqeddcen deg waṭas n taɣulin. Yerza iselmaden-imnadiyen daɣ inelmaden n dukṭura i yettnadin di temsalt n tutlayt d yidles n tmaziɣt.

 Isental n unadi n Usarem qqnen srid ɣer tmuɣliwin d yiswan n yiɛeggalen-is daɣ ɣer taɣult n usileɣ n yal amnadi, ad d-nebder :

- tizrawin n tesnawalt d tseknawalt ;

- ixeddimen d teslaḍ i yerzan tasniremt ;

- ixeddimen i yerzan isegzawalen ;

- tasleḍt n yiḍrisen n tsekla ;

- tasentala ;

- tasleḍt n yinaw ;

- tasnilesmettit,

- taɣerma ;

- tasnalest, amezruy n Yimaziɣen, atg.

 Daɣ, ATT d adeg, d ttawit, i tdukli d temɛiwent gar yisuram-nniḍen s umǧaǧi i kra n usentel neɣ i kra n uslugen d usmagnu n kra n taluft i yerzan tamaziɣt s umata, ladɣa deg usmagnu n tesniremt i yettwasexdamen deg uselmed n walmuden i yellan deg usileɣ asdawan.