Iswan n terbaɛin n ATT

- d awelleh d uɛiwen n yinelmaden n dukṭura deg tezrawin-nsen n unadi ussnan d usiweḍ n yigmaḍ n yinadiyen-nsen i wiyaḍ ;

- d tigin n wadeg iwulmen i unadi d usqerdec ussnan gar yinelmaden n dukṭurad yinemhalen n tezrawin daɣd yimnadiyen-nniḍen ;

- d aɛiwen ak d tikkin d tuddsiwin-nniḍen deg usebɣes n usexdem n tmaziɣt deg taɣulin d yidgan meṛṛa ;

- d tilin ɣer tama n uselmad d usileɣ-is deg wayen i yerzan allalen n tesnalmudt, n tsensegmit, d unadi n umuɣedlis ;

- d asuddes n temliliyin n usileɣ i yiselmaden imaynuten deg wayen i yerzan aheyyi n temsirin, n yixeddimen imwellhen, d usemres n tsenselkimt ak d ttawilat itraren n uselmed ;

- d azraw ak d tesleḍt n tlufa n tesnilesmettit i yerzan tamuɣli n tmetti, n yimdebbṛen, n yimawlan d yinelmaden ɣef tmaziɣt, daɣ iɛewwiqen n usexdem-is d uselmed-is d temsalt n yiwalnuten ;

- d asemyif n unadi ɣef, daɣ s tmaziɣt ;

- d asebɣes n unadi s tmaziɣt s tigin n tesɣunt s tmaziɣt.