Amezruy n tira n tmaziɣt s usekkil alatini

Résumé

Tira n tmaziɣt tɛedda-d ɣef waṭas n talliyin deg umezruy, yal yiwet deg-sent tufrar-d s unagraw n tira i yettwasmersen deg-s. Asekkil alaṭini i d-yufraren deg tallit taneggarut, yefka-as afud d ameqqran deg wayen din n taɣulin tussnanin. Imi imeskaren i ifernen asekkil alaṭini i tira n tmaziɣt ur t-ǧǧin ara akken yella deg tadra-s, ɛerḍen ad t-id-sqerrben ɣer yimesla yellan deg tamaziɣt, s yimahilen i d-yellan i useggem n unagraw n tira n tmaziɣt, ama s wayen i gan yimeskaren iberraniyen (deg lqern wis XIX), neɣ imahilen ussnanen ideg kkin yimazɣawalen (seg taggara n lqern wis XIX ar ass-a).

Iswi-nneɣ deg umagrad-a d asenked n tizza iɣef d-tɛedda tira n tmaziɣt s usekkil alaṭini deg tmuɣli tanmezrayt, d usegzi n yibeddilen i d-yettilin seg umahil ɣer wayeḍ.

Awalen-isura : Amezruy, talatinit, tamaziɣt, tira.